«Іван Кірчук нагадае пра карані. Вядомы беларускі музыкант выступіць у Берасці»

28 cтудзеня ў рамках праекта «Мова нанова» ў Берасці выступіць беларускі музыкант, фалькларыст, лідэр гурта «Этна-трыа "Троіца"» Іван Кірчук. Ён прадставіць увазе гледачоў монаспектакль «Дарожка мая...»

Матэрыялы да сцэнарыя аўтар збіраў больш за дзесяць гадоў. За аснову ўзятыя песні з сольнага альбома «Спадчына загінуўшых вёсак», а таксама матэрыялы, прысвечаныя порам года, асноўным стыхіям, святам і падзеям у жыцці нашых продкаў. Праграма складаецца з сарака песень. Акампанементам ім паслужаць больш за 30 народных інструментаў. У паўзах паміж песнямі будуць гучаць рытуальныя заклінанні продкаў.

Выступленне адбудзецца на вул. Савецкай, 51-53 («Абрыс-клуб»). Пачатак: 18.30.