Правила пользования

«Қазақстанда пластик бөтелкеден мата жасалатын болды»

Дата: 23.08.18 в 12:02
Мобильная версия Шрифт

Түркістан облысында полиэтилентерефталатты (ПЭТ бөтелке) қайта өңдеу және штапельдік талшық шығару зауытының құрылысы аяқталды. Зауыт толықтай іске қосылған кезде 250-ден астам жұмыс орны ашылады, деп хабарлайды Today.kz Kazakh Invest компаниясының баспасөз бөліміне сілтеме жасап. 

Жобаны іске асырудың инвесторлары — қазақстандық GreenTechnology Industries компаниясы мен Hong Kong General Industry And Commerce Co Ltd (ҚХР) шетелдік серіктес компаниясы.

Қазіргі таңда зауытта ПЭТ қалдықтарды жуу, кептіру және бөлшектеу бойынша өндірістің бірінші кезеңі іске қосылды — 73 адам жұмыс істеп жүр. Бүгінде компания келесі кезең — штапельдік талшық шығаруды ұйымдастыруды қолға алды.

Ресми статистика бойынша, жыл сайын Қазақстанда 5-6 миллион тонна қатты тұрмыстық қалдықтар (ҚТҚ) жиналады, оның шамамен 150-200 мың тоннасын ПЭТ қалдықтар құрайды. Сонымен қатар, ҚТҚ-ның тек 3–5% қайта өңделеді немесе кәдеге жаратылады.

Фото -

"Аталған жоба Қазақстанда алғаш рет ПЭТ қалдықтар дайын өнім – штапельдік талшық шығаруға жұмсалатындығымен бірегей. Синтетикалық талшықтың бұл түрі мыжылмайды, күйіп кетпейді және көп уақыт бойы беріктігін сақтайды, гипоаллергенді қасиетке ие. Одан жасалған заттар қолмен ұстаған кезде жағымды, оңай жуылады. Сондай-ақ, өнім құрылыс қоспаларында қолданылатын болады, осылайша құрылыс жұмыстарының сапасын жақсартуға жол ашады", — деді GreenTechnology Industries атқарушы директоры Клара Әбдірахманова.

Бұдан өзге, полиэфирлік талшықтардан 3D принтерде басып шығаруға пайдаланылатын филаментке арналған (1,75 немесе 3 мм пластмасса жіп) материал жасауға болады.

Жобаның жалпы құны – 20 миллион доллар. Жыл сайын зауытта 50 000 тонна дайын өнім шығарылады деп жоспарланған.

Фото -

Просмотров: 255


Комментариев: 0
Праздникиbur_grey_up
О компании О проекте Источники новостей Предложить ленту Реклама на сайте Реклама в газете Контакты Наши партнеры
Портал ivest.kz - база частных объявлений газеты «Информ Вест», справочник предприятий городов Казахстана и России, новости, недвижимость, электронные версии ряда изданий, сборник кулинарных рецептов. Все замечания и предложения принимаются на info@ivest.kz.
Использование данного веб-портала подразумевает ваше согласие с Правилами пользования.
© 2000-2018 «Информ Вест»
Рейтинг@Mail.ru