Құрылыс жұмыстарының қарқыны шілдеге қарағанда 1,3 пайызға баяулады. Бұл туралы ҚР Үкіметі отырысында ұлттық экономика министрі Тимур Сүлейменов мәлімдеді, деп хабарлайды Today.kz.
Министрдің сөзінше, баяулауына өткен жылғы құрылыс жұмыстарының жоғары базасы әсер еткен. Ол EXPO-2017 нысандарының эксплуатацияға енгізілгенінің әсерінен қалыптасқан, сондай-ақ Павлодар мұнай өндіруші зауытының модернизациясының аяқталуы мен магистралды тұрбасымдардың құрылысы және Атырау облысындағы өнеркәсіп нысандары да әсер еткен.
Негізінен құрылыс саласындағы өсім құбылмалы. Егер қаңтар-наурызда 5,9 пайызға өссе, қаңтар-мамырда 0,3 пайызды ғана көрсеткен.
Айта кетейік, ҚР ұлттық экономика министрі Тимур Сүлейменов үкімет отырысында 2018 жылдың шілдесінде Қазақстанда жылдық инфляция 5,9 пайызды құрағанын мәлімдеді.
Ал 2018 жылдың жеті айында Қазақстанда инвестиция мен негізгі капитал 23,7 пайызға өскен.
ҚР премьер-министрі Бақытжан Сағынтаев ҚР Үкіметі отырысы барысында министрлер мен әкімдерге елдің экономикасын өсіруді қамтамасыз етуді тапсырды.
