24 сағаттың жартысын ғаламтордың торында өткізетін заман бұл. Керегіңді ғаламторда іздеп, қажетіңе тапсырыс та бересің. Қазақстандықтар қаңтарда ғаламтордан Нұрсұлтан Назарбаевты көп "іздеген", деп хабарлайды Today.kz.
Елбасының қаңтардағы жыл сайынғы жолдауы азаматтардың назарын аударса керек. Ізделген дүниелердің ішінде Назарбаевтың халыққа жолдауы көш басында тұр. Одан кейін қазақстандықтар Рождество туралы көбірек білуге құмартқан.
Қаңтарда Яндексте кеп ізделген дүниелердің ондығы:
- Нұрсұлтан Назарбаевтың халыққа жолдауы
- Рождество
- Қыста суық суға шомылу
- Михаил Державин (актердің өмірден өтуіне байланысты)
- Ескі жаңа жыл
- Людмила Сенчина (әншінің өмірден өтуіне байланысты)
- Масленица (нақты күнін іздеген)
- Татьяна күні
- "Угандалық Наклз" мемі
- Салық кодексі
Қазақстандықтар жылдың алғашқы айында шыққан кинокартиналарды да белсенді іздеген. Олардың көшін ресейлік "Движение вверх" фильмі бастаса, жастардың қызығушылығын оятқан "Бегущий в лабиринте: Лекарство от смерти" фильмі тізімді жалғап тұр. Үздік үштікті Нұрлан Қоянбаевтың "Бизнес по-казахский в Америке" фильмі қорытындылайды.
Айтпақшы, 2017 жылы ғаламтордан ең көп ізделген ән Ерке Есмаханның "Қайда?" әні болып еді. Биылғы хит әрі интернеттен көп ізделетін ән кімдікі болар екен?
