2017 жылдың ең үздік смартфондар рейтингі жасалды. Таңдаулы Топ-15 гаджеттер тізімі TechRadar журналының сайтында жарияланды, деп хабарлайды Today.kz.
Бірінші орында - Samsung Galaxy S8. Рейтингтің екінші орнында - Samsung Galaxy S8 Plus. Сарапшылардың пікірінше, Оңтүстік Кореяның екі жаңа өнімінің үздік атану себебі – камерасы, жылдам қызметі және ерекше дизайны.
Топ-3 құрамынан Google Pixel 2 құрылғысы да табылды, себебі бұл гаджеттің айрықша үлгідегі дисплейі мен камерасы нарықта үздік болып танылады.
Төртінші кезекте - iPhone X. Бұл жаңа өнім өзінің қымбат бағасымен біраз сынның астында қалды. Бесінші орында – қытай смартфоны Huawei Mate 10 Pro.
Ағымдағы жылдың үздік смартфондар рейтингінің құрамына сонымен қатар Samsung Galaxy Note 8, LG V30, LG G6, iPhone 8 Plus, OnePlus 5T, Google Pixel 2 XL, Sony Xperia XZ Premium, HTC U11, iPhone 8, Honor 9 секілді гаджеттер де енген.