2017 жылдың үздік техникаларының тізімі жарияланды. Time түзген тізімде бірінші орынды Nintendo Switch атты жапондық ойын құрылғысы алды. Құрылғы 6,2-дюйм экранды планшет, Joy-Con геймпадынан тұрады, деп хабарлайды Today.kz.
Осы жылдың үздік техникалық жаңалығы тізімінің екінші орнында iPhone X тұр. Сарапшылардың пікірінше, қолданушылардың шағымы мен бағасының қымбат болғанына қарамастан, дәл осы техника екінші орынға лайық.
Үздік үштікті Microsoft корпорациясының Surface ноутбугі түйіндейді. Ұзақ уақытқа шыдайтын қуаты мен салтанатты дизайны осы техникаға үштіктен орын берген.
Сарапшылар тізімнің төртінші сатысына DJI Spark мини-квадрокоптерін жайғастырған. Samsung Galaxy S8 – бесінші орында.
2017 жылдың үздік 10 гаджетінің ішінде Super Nintendo Entertainment System (SNES) Classic ойын құрылғысы мен Amazon Echo аудиокалонкасы, Xbox One X консолі мен Apple Watch 3 ақылды сағаты және Sony Alpha A7R III фотокамерасы бар.
