Twitter мен Bloomberg Media бірлесіп тәулік бойы жаңалықтар тарататып, әлеуметтік желіде онлайн-телеарна түрінде жүзеге асатын телеарнаны іске қосуды жоспарлап отыр. Бұл туралы The Wall Street Journal мәлімдеді деп, хабарлайды Today.kz.
Аты белгісіз жоба 2017 жылдың күзінде іске қосылуы мүмкін. Телеарна әлемнің түкпір-түкпіріндегі өз жаңалықтарын тікелей таратып, Twitter қолданушыларының тексерілген видеоларын көрсететін болады.
Bloomberg Media атқарушы директоры Джастин Смит атап өткендей, көпшілік қауым жаңалықтарды телеарналардан тамашалайды. Өткен оқиғаларды әлеуметтік желілерде талқылайтын болады.
«Біз шынымен-ақ, телеарнаға ақша төлемейтін, телеарнаны кез-келген жерде көре алатын аудиторияны бағындыра аламыз деп ойлаймын. Бізге Bloomberg – өте қолайлы серіктес»,-деді Twitter-дің қаржы директоры Энтони Ното.